← 返主頁

私隱政策

最後更新:2026 年 11 月 18 日

狗便便大戰(「遊戲」)由 manyfold studio 營運。呢頁講遊戲收集乜資料、點用,同你有乜選擇。

唔登入都玩得

用訪客身份玩,我哋唔會收集任何可以認出你嘅資料。遊戲設定同圖鑑只係存喺你部機(瀏覽器嘅本機儲存)。

開帳戶或者登入

遊戲入面記低嘅嘢

你嘅花名、戰績(場數、贏輸、積分、段位)、收藏(角色、等級、骨頭、罐頭、便便袋)同每日任務進度,存喺我哋喺 AWS 新加坡區嘅資料庫,用一個帳戶編號對應,資料庫入面唔存電郵。花名同戰績會喺排行榜同對戰入面俾其他玩家見到。

付款

網頁版買罐頭經 Stripe 收錢。卡號等付款資料係你直接喺 Stripe 嘅付款頁輸入,我哋唔會見到、唔會儲。我哋只係收到 Stripe 話「呢張單已經俾咗錢」同單號,用嚟幫你入罐頭同防止重複入數。Stripe 點處理你嘅資料,請睇 Stripe 私隱政策。

存喺你部機嘅嘢

登入之後,遊戲會喺你部機存一條「保持登入」用嘅 token(最長 90 日),等你下次唔使再登入。我哋冇用廣告或者追蹤 cookie。

我哋唔會做嘅事

幫我哋處理資料嘅服務

Amazon Web Services(帳戶登入、伺服器、資料庫)、Stripe(付款)、Google(Google 登入)。佢哋只會為咗提供呢啲服務處理你嘅資料。

留幾耐、點樣刪除

帳戶資料會一直留到你要求刪除。想刪除帳戶同所有遊戲資料,或者想睇我哋存咗你乜嘢,電郵 tommy199469@gmail.com,用你登入嗰個電郵寄,我哋會喺 30 日內處理。付款紀錄 Stripe 可能要按法例保留。

細路

遊戲啱所有年齡玩,但未滿 13 歲請喺家長同意下開帳戶或者買嘢。

改動

呢份政策有改動會喺呢頁更新日期。